Al batéz

E acssì il mmié bèsti gli à salvà la pèll e al frizer l'è là vód ch'al spèta e al spéra... Védri accsì bianch sul vérd dal prà l'è bèll, e i putìn i s'divèrt(quést chì l'è véra) in t'al far zziéra a chi sié bèi bastiùn ( però al furmént al cala in t'i baldùn) Avénd cupà n'usèrta quel più intrént l'è stà ciamà « Viperio »... ma a un pitón ch'al s'pipàia in tant supi butà al vént tanta chilo ad furmént e d'furmantón agh vléva anch un scutmaj bèn adatà ed « Egam » l'è al cugnóm agh gh'ò tacà! E a tracòla a gh'ò miss un bèll cartèll cón scritt « Vipèrio Egam » in grassétt; e a la matina prèst al miè pitón in testa a chi-altr'e con bén gónfi al pètt al tién a dré a quii ch'passa e che i gh'fa zziéra e al va con lór in piazza a la curiéra. E accsì méntr'una volta in t'un standàrd, in t'na bandiera ad stat o su un purtàl i gh'mitéva 'na lóva o un leopàrd o n'aquila rumana o un biss o un gall inquó, col consumisum in funzzìon, agh piazzarén Vipèrio, al mié pitón!

Menu

by gfCsoft -- web -- mail --